BATU BELAH BATU BETANGKUP - Lirik Lagu Daerah Jambi

Cipt: YAHYA AB

Batu belah batu betangkup

Batunyo ado di curam lembah

Batu belah batu betangkup

Batunyo ado di curam lembah

Biaklah sampai bumi tetangkup

kasihnyo bundo Kasihnyo bundo

Haram berubah

Batu belah batu betangkup

Batu bedinding duo serupo

Batu belah batu betangkup

Batu bedinding duo serupo

Harto dunio idak kan cukup

Idak sebanding Idang sebanding

Sengsaro bundo

Batu belah cerito lamo

Nyanyian anak tanah pusako

Batu belah cerito lamo

Nyanyian anak tanah pusako

Biak tebelah alam dunio

Idak merubah Idak merubah

Sayangnyo bundo

Batu belah dirembang petang

Becahyo bagai kilau tembago

Batu belah dirembang petang

Becahyo bagai kilau tembago

Sinar matonyo pancaran sayang

Di tapak kaki Di tapak kaki

Adonyo surgo

DINDANG SAYANG - Lirik Lagu daerah Jambi

Cipt: Firdaus Khatab / Djasman

Ruak ruak mudik lah ke tebing

Dindang lah bang sayang

Kudo berentak

Kudo berentak di ateh papan

Idak katuak menyudu emping

Dindang lah bang sayang

Idak ka cuko idak ka cuko

Malawan santan

Oi...bang sayang

Idak ka cuko bang sayang

Oooi...malawan santan

Oi...bang sayang

Idak ka cuko bang sayang

Oooi..malawan santan

Panggang sarap timbunlah puntung

Dindang lah bang sayang

Laman lah semak laman lah semak

Disarap balai

Ati harap memandang gunung

Dindang lah bang sayang

Tangan belebih tangan belebih

Idak lah sampai

Oi.. bang sayang

Tangan belebih bang sayang

Oooi...idaklah sampai

Oi..bang sayang

Tangan belebih bang sayang

Oooi...idaklah sampai

NEGRI PUSAKO - Lirik Lagu daerah Jambi

Cipt. R. Irwansyah

Negeri Jambi elok negeri pusako

Aman makmur negeri berbudayo

Adat lamo selalu dakkan pernah dilupo

Jadi pedoman hidup rakyatnyo (2x)

Rakyat Jambi hidup bagai sudaro

Jago negeri arif bijaksano

Beragam sukunyo beragam agamanyo

Rukun damai penyayang sesamo (2x)

Iyooo... iyooo....

Damailah negeri Jambi negeri kito..

Amanlah negeri Jambi selamonyo.....

Seloko Jambi yang sudah tenamo

Pantun negeri pantun milik kito

Mari kito bangkit mari nyanyi besamo

Kito angkat seni dan budayo (2x)

Sungai batanghari ado disano

Belah negeri suburkan tanahnyo

Alam indah jugo ado dimano-mano

Marilah kito jago besamo-samo (2x)

ARI BELABOH - Lirik Lagu Daerah Jambi

Cipt. Yahya AB

La di susun tangan

Jari nan sepuluh

La disebar Undangan belaboh

Semoga ninik mamak

Tuo nan tengganai

Merestui jari nan be inai

Kecik tapak tangan

menyambut nan datang

Biaklah niru kami tadahkan

Mano nan tesilap

Mano nan telupo

Tolong dimaaf itu dak sengajo

Kalu kecik idak besebutkan namo

Bukan pula sengajo dilupo

Nan besak pun idak besebut gelarnyo

Itu tando kito dak di bedo bedo

Tegak samo tinggi Dudukpun serendah

Budayo Jambi hai sembilan lurah

Hati gajah samo samolah di lapang

Hati tungau pun samo di ceca

Doa lah dibaco Selawatpun sudah

Kito besamo dicucuri berkat

NEGERI SAILUN SALIMBAI - Lirik Lagu Daerah Jambi

Cipt. Ferri Hoy

Selamat datang, selamat datang kami ucapkan

di negeri, di negeri Sailun Salimbai

Tari dan lagu, kami sajikan kepado tuan

Seni budayo, seni budayo sajian kami

Muaro Jambi, Muaro Jambi negri tercinto

Sejak dulu kalo, sejak dulu kalo sudah tenamo

Elok alamnyo, disano gena negri berado

Pusako lamo, pusako lamo budayo kito

Anak sengeti, anak sengeti pegi ke sunge

Tibolah di sunge, tibolah di sunge menangkap ikan

Payolah kanti, kito besamo melestarikan

Budayo negeri, budayo negeri muaro jambi

PETUAH LAMO - Lirik Lagu Daerah Jambi

Cipt. Yahya AB

Rimbun nian si rumpun pandan

Pandan beduri bebelah tigo

Biakpun tuah ado di badan

Budi pekerti gunokan jugo

Bakelok sunge batanghari

Aeknyo resih bebayang-bayang

Elok lah elok membawo diri

Tuo dikasih, mudo disayang

Reff :

Bajalan biak menepi

Supayo idak kepijak kanti

Becakap piaro lidah

Supayo kanti idak meludah

Itu petuah rang tuo-tuo

Adat lembago budayo lamo

Apolah guno menepuk dado

Runduknyo padi, padat isinyo