Cipt. Yahya AB
La di susun tangan
Jari nan sepuluh
La disebar Undangan belaboh
Semoga ninik mamak
Tuo nan tengganai
Merestui jari nan be inai
Kecik tapak tangan
menyambut nan datang
Biaklah niru kami tadahkan
Mano nan tesilap
Mano nan telupo
Tolong dimaaf itu dak sengajo
Kalu kecik idak besebutkan namo
Bukan pula sengajo dilupo
Nan besak pun idak besebut gelarnyo
Itu tando kito dak di bedo bedo
Tegak samo tinggi Dudukpun serendah
Budayo Jambi hai sembilan lurah
Hati gajah samo samolah di lapang
Hati tungau pun samo di ceca
Doa lah dibaco Selawatpun sudah
Kito besamo dicucuri berkat
No comments:
Post a Comment