BATU BELAH BATU BETANGKUP - Lirik Lagu Daerah Jambi

Cipt: YAHYA AB

Batu belah batu betangkup

Batunyo ado di curam lembah

Batu belah batu betangkup

Batunyo ado di curam lembah

Biaklah sampai bumi tetangkup

kasihnyo bundo Kasihnyo bundo

Haram berubah

Batu belah batu betangkup

Batu bedinding duo serupo

Batu belah batu betangkup

Batu bedinding duo serupo

Harto dunio idak kan cukup

Idak sebanding Idang sebanding

Sengsaro bundo

Batu belah cerito lamo

Nyanyian anak tanah pusako

Batu belah cerito lamo

Nyanyian anak tanah pusako

Biak tebelah alam dunio

Idak merubah Idak merubah

Sayangnyo bundo

Batu belah dirembang petang

Becahyo bagai kilau tembago

Batu belah dirembang petang

Becahyo bagai kilau tembago

Sinar matonyo pancaran sayang

Di tapak kaki Di tapak kaki

Adonyo surgo

TUAH BATANGHARI - Lirik Lagu daerah Jambi

Cipt. Hafiz Albaity

Bilo ke kota Jambi

Mampir ke seberang

darilah Batanghari

Bilo nak kenang kanti

Baik perangai

Baiklah bebudi

Tuo dikasih mudo disayang

Janganlah idak Samolah bebagi

Tuo dikasih mudo disayang

Janganlah idak Samolah bebagi

Bilo ke kota Jambi

Mampir ke seberang

darilah Batanghari

  Reff :

Anak lah rimbo mengambeklah rotan

Rotan dibuat jadilah perahu

Kalu lah kito belakulah sopan

Sopan besantun betingkahlah laku

Idaklah ngadah Idak meludah

Bebusung dado Jugolah jangan 

Idaklah ngadah Idak meludah

Bebusung dado Jugolah jangan 

Bilo ke kota Jambi

Mampir ke seberang

darilah Batanghari

KEMBANG SELASIH - Lirik Lagu Daerah Jambi

Cipt. Yahya AB

Kembang selasih

Bungo idaman sayang

Harum semerbak dimuko laman

Pegilah kasih pegi junjungan

Kami yang tinggal dilupo jangan - 2x

Kembang selasih

Bungo pelito sayang

Bungo idaman si dayang-dayang

Selamo kasih jauh dimato

Hidup seraso si bayang-bayang - 2x

Kembang selasih

disulam benang sayang

disulam anak tanah seberang

Teringat kasih ati dak tenang

Takut dirinyo diambek orang - 2x

Kembang selasih

di dalam bilik sayang

Kuntum mewangi diatas dahan

Kalulah kasih dak ingat balek

Alamat rindu jadi taroan - 2x

ARI BELABOH - Lirik Lagu Daerah Jambi

Cipt. Yahya AB

La di susun tangan

Jari nan sepuluh

La disebar Undangan belaboh

Semoga ninik mamak

Tuo nan tengganai

Merestui jari nan be inai

Kecik tapak tangan

menyambut nan datang

Biaklah niru kami tadahkan

Mano nan tesilap

Mano nan telupo

Tolong dimaaf itu dak sengajo

Kalu kecik idak besebutkan namo

Bukan pula sengajo dilupo

Nan besak pun idak besebut gelarnyo

Itu tando kito dak di bedo bedo

Tegak samo tinggi Dudukpun serendah

Budayo Jambi hai sembilan lurah

Hati gajah samo samolah di lapang

Hati tungau pun samo di ceca

Doa lah dibaco Selawatpun sudah

Kito besamo dicucuri berkat

PESEKO JAMBI - Lirik Lagu Daerah Jambi

Cipt. Prof.DR.H. Muchtar Latif

Adat peseko Jambi

Melayu Jambi budayo kito

Idak lapok oi dek hujan

Idak pulo lekang dek panas

Adat besendi sarak

Sarak besendi kan Kitabullah

Sarak jugo ado mengato

Di pake adat serto lembago

Duduk adat pegang pakai

Masyarakat hidup berdampingan

Samo sudaro samolah raso

Samo memberi samo menerimo

Biak kini zaman lah berubah

Peseko Jambi jadi pegangan

Jadi payung dikalo hujan

Jadi sulut dikalo malam